AQShning sobiq vitse-prezidenti Trampga iste’foga chiqishni maslahat berdi

AQShning sobiq vitse-prezidenti, o‘z vaqtida prezidentlik uchun kurashgan Albert Gor amaldagi prezident Donald Trampga iste’foga chiqishni maslahat berdi. Bu haqda, The Daily Mail nashriga tayanib, “Interfaks” xabar bermoqda.

Gor Britaniyaning LADbible yangilik va ko‘ngilochar kompaniyasi bilan muloqot chog‘ida bayonot berdi. U yangi hujjatli film taqdimotida ishtirok ettdi.

Gordan “Trampga qanday maslahat bergan bo‘lardingiz?” deb so‘rashganida, u “iste’foga chiqish” deb javob qaytardi.

Gor 1993–2001-yillarda vitse-prezident bo‘lgan. 2007-yili Gorning ob-havo haqidagi “Noqulay haqiqat” nomli hujjatli filmi ikkita “Oskar” olgan edi.