Xitoy rasmiylari mamlakat qurolli kuchlari quruqlikdagi qo‘shinlarining barcha 13 ta armiyasi qo‘mondonlari va siyosiy komissarlarini almashtirdi. Bu haqda “TASS” xabar bermoqda.
Mazkur lavozimlarga tayinlangan harbiy rahbarlar ro‘yxati 18-avgust, juma kuni mahalliy matbuotda e’lon qilindi. Ularning barchasi sutka davomida o‘zlariga ishonib topshirilgan tuzilmalarga yetib borgani bildirilmoqda.
Quruqlikdagi qo‘shinlar armiyalari soni 18 tadan 13 taga qisqartirilgani haqidagi xabarlar OAVda shu yil mart oyida paydo bo‘ldi. Aprelda bu ma’lumotni Xitoy mudofaa vazirligi tasdiqladi.
Yangi armiyalar 71-dan 83-gacha bo‘lgan tartib raqamini oldi va jangovar qo‘mondonlikning 5 zonasi o‘rtasida taqsimlanadi.
Izoh (0)