АҚШнинг собиқ вице-президенти Трампга истеъфога чиқишни маслаҳат берди

АҚШнинг собиқ вице-президенти, ўз вақтида президентлик учун курашган Альберт Гор амалдаги президент Дональд Трампга истеъфога чиқишни маслаҳат берди. Бу ҳақда, The Daily Mail нашрига таяниб, «Интерфакс» хабар бермоқда.

Гор Британиянинг LADbible янгилик ва кўнгилочар компанияси билан мулоқот чоғида баёнот берди. У янги ҳужжатли фильм тақдимотида иштирок эттди.

Гордан «Трампга қандай маслаҳат берган бўлардингиз?» деб сўрашганида, у «истеъфога чиқиш» деб жавоб қайтарди.

Гор 1993–2001 йилларда вице-президент бўлган. 2007 йили Горнинг об-ҳаво ҳақидаги «Ноқулай ҳақиқат» номли ҳужжатли фильми иккита «Оскар» олган эди.