Bugun,

  • USD 11095.31
  • RUB 173.84
  • EUR 10772.44

Futbol bo‘yicha O‘zbekiston Oliy Ligasining 18-turidan o‘rin olgan va Bekobod shahrida o‘tkazilishi lozim bo‘lgan “Metallurg” — “Lokomotiv” uchrashuviga Toshkent mezbonlik qiladi.

Foto: “PFL.uz”

Foto: “PFL.uz”

O‘zbekiston Professional futbol ligasi matbuot xizmati xabariga ko‘ra, o‘yin Toshkentdagi “Lokomotiv” stadionida o‘tkaziladi. Uchrashuv 18-avgust kuni mahalliy vaqt bilan 19:00 da boshlanishi rejalashtirilgan.

O‘zPFLdan ma’lum qilishlaricha, o‘yin “Metallurg”ning Bekoboddagi stadionida O‘zbekiston Mustaqilligining 26 yilligi tantanalariga tayyorgarlik ko‘rilayotgani munosabati bilan Toshkentga ko‘chirilgan.

“Mazkur uchrashuv Toshkentda o‘tkazilishiga qaramay, ‘Metallurg’ nominal mezbon sifatida harakat qiladi”, — deyiladi O‘zPFL axborotida.

“Metallurg” va “Lokomotiv” jamoalari o‘rtasidagi birinchi davra uchrashuvi ham Toshkentda bo‘lib o‘tgan edi. O‘shanda “temiryo‘lchilar” 3:1 hisobida g‘alaba qozongan.

Ma’lumot uchun, “Lokomotiv” Oliy Ligada o‘tkazilgan 17 tur yakuniga ko‘ra, 39 ochko bilan yakkapeshqadam bo‘lib turibdi. Ikkinchi o‘rindagi “Qo‘qon-1912” hisobida 30 ochko bor.

“Metallurg” esa 17 uchrashuvdan so‘ng 23 ochko to‘plagan bo‘lib, 10-o‘rindan joy olgan. Jamoa so‘nggi uchrashuvni 12-avgust kuni Bekobodda o‘tkazib, “Mash’al”ga 0:1 hisobida imkoniyatni boy bergan edi.

Izoh
Asosiy yangiliklar
Sport
Messining “Barselona”ga qaytish ehtimoli bor. Xavi va Leo doimiy aloqada bo‘lib turibdi 
Mahalliy
Farg‘onada Qirg‘izistondan keltirilgan psixotrop moddalar savdosi bilan shug‘ullanganlar ushlandi
Mahalliy
Qashqadaryo viloyatida qurilgan namunali uylar qulab tushish arafasida ekani aytilmoqda (video)