Bugun,

  • USD 11095.31
  • RUB 173.84
  • EUR 10772.44

O‘zbekiston Yoshlar ittifoqining Farg‘ona vodiysiga yo‘l olgan “Targ‘ibot poyezdi” Namangan viloyatiga yetib keldi. Bu haqda “Daryo”ga yosh jurnalist Humoyunmirzo Abdullayev ma’lum qildi.

Foto: Humoyunmirzo Abdullayev

Foto: Humoyunmirzo Abdullayev

6 ta vagondan iborat poyezdda jamoatchilik, ilm-fan, madaniyat va san’at vakillari, shoir va yozuvchilardan iborat 200 dan ortiq kishi Popda kutib olindi va shahar, tumanlarga yo‘l oldi. “Fidoyingiz bo‘lgaymiz seni, O‘zbekiston” shiori ostidagi тadbirlar doirasida uyushmagan yoshlar bilan ochiq muloqotlar, munozara va mushoiralar, xayriya aksiyalari o‘tkazilishi ko‘zda tutilgan.

Foto: Humoyunmirzo Abdullayev

Foto: Humoyunmirzo Abdullayev

Yangiqo‘rg‘on tuman hokimligi matbuot xizmatiga ko‘ra, mehmonlar, jumladan, qo‘shni Qirg‘iziston bilan chegarada joylashgan Nanay qishlog‘idagi “Ko‘ksaroy” dam olish markazida bo‘ldi. Dastlab Nanay madaniyat va aholi dam olish markazi tomonidan sahna ko‘rinishlari taqdim etildi.

O‘zbekiston Milliy universiteti dotsenti Ahmadjon Meliboyev, Yoshlar Ittifoqi markaziy kengashi rais o‘rinbosari Suhrob Maqsudov, shoir Chorsha’m Ro‘ziyev, aktrisa Nigina Anorboyeva, xonanda Muzaffar Mirzarahimov, psixologiya va biznes bo‘yicha murabbiylar yig‘ilganlarning ko‘plab savollariga javob berdi, she’r va qo‘shiqlar ijro etildi.

Foto: Yangiqo‘rg‘on tuman hokimligi matbuot xizmati

Foto: Yangiqo‘rg‘on tuman hokimligi matbuot xizmati

Namangandagi aksiyalar madaniyat va san’at vakillari ishtirokidagi katta konsert dasturi bilan yakunlanishi ko‘zda tutilgan.

Izoh
Asosiy yangiliklar
Mahalliy
Turkmaniston O‘zbekistonga tekinga gaz yetkazib beradi 
Mahalliy
Toshkentda ko‘prik ustidagi “Gazel” yonib ketdi (video)
Biznes
Rossiyadan Osiyoga ko‘mir eksporti narxi oshgani ma’lum qilindi