Yaponiya to‘rt prefektura hududida raketa hujumiga qarshi mudofaa tizimini ishga tushirib, Shimoliy Koreyaning Guam oroliga yo‘llanishi mumkin bo‘lgan raketalarini tutib qolishga tayyorlanmoqda. Bu haqda The Asahi Shimbun xabar bermoqda.
Nashrning hukumatdagi manbalariga ko‘ra, komplekslarning ishga tushirilishi haqidagi rasmiy qaror bir necha kun ichida qabul qilinadi. “Yer-havo” raketalari bilan ta’minlangan tizimlar Xirosima, Simane, Kochi va Exime prefekturalarida harbiy navbatchilikka kirishishi kutilmoqda.
Ularni dengizdan raketaga qarshi tizimlar bilan jihozlangan Yaponiya harbiy-dengiz kuchlari qo‘llab-quvvatlaydi.
Izoh (0)