Yevropa ligasi. “Milan”, “Everton”da g‘alaba. Rivaldoning o‘g‘li “Atletik”ka gol urdi

Kecha — 27-iyul tunida Yevropa ligasining guruh bosqichi sari harakat qilayotgan jamoalar saralashning 3-bosqichi doirasidagi ishtirokini boshladi.

Transfer bozorining eng faol vakili hisoblangan “Milan” minimum vazifani uddalab, Ruminiyadan minimal hisobdagi g‘alaba bilan qaytib keldi.

Rossiyaning ikki klubi — “Zenit” va “Krasnodar” ham birinchi o‘yinda zafar quchdi. Bunda piterliklarning safardagi g‘alabasi ishonchli bo‘lsa, krasnodarlik futbolchilar iroda ko‘rsatib, so‘nggi soniyalarda g‘alaba golini urishga erishdi.

Ueyn Runi harakat qiladigan “Everton” futbolchilariga Leyton Beynsning goli omad keltirdi. Runining o‘zi maydonda to‘liq — 90 daqiqa harakat qildi.

Bilbaoning “Atletik” klubiga qarshi o‘yinda zaxiradan maydonga tushgan mashhur Rivaldoning o‘g‘li Rivaldinyo gol urib, jamoasini mag‘lubiyatdan qutqarib qoldi.

Yevropa ligasi 3-saralash bosqichi 27-iyul, payshanba

“Krasnodar” (Rossiya) — “Lyungbyu” (Daniya) 2:1

“Bney Iyeguda” (Isroil) — “Zenit” (Rossiya) 0:2

“Universitatya” (Ruminiya) — “Milan” (Italiya) 0:1

“Everton” (Angliya) — “Rujomberok” (Slovakiya) 1:0

“Marsel” (Fransiya) — “Ostende” (Belgiya) 4:2

“Dinamo B” (Ruminiya) — “Atletik” (Ispaniya) 1:1

“Shturm” (Avstriya) — “Fenerbaxche” (Turkiya) 1:2 “PSV” (Gollandiya) — “Osiyek” (Xorvatiya) 0:1 “Panatinaikos” (Gretsiya) — “Gabala” (Ozarbayjon) 1:0