Toshkentda qishloq xo‘jaligi mashinasozligini rivojlantirish bo‘yicha o‘zbek—koreys markazi tashkil etiladi

O‘zbekiston Prezidenti Shavkat Mirziyoyev “Qishloq xo‘jaligi mashinasozligi sohasida ilmiy-texnik bazani yanada rivojlantirish chora-tabirlari to‘g‘risida” qaror qabul qildi. Bu haqda UzDaily xabar bermoqda.

Mazkur qarorga muvofiq, mamlakatda qishloq xo‘jaligi mashinasozligini rivojlantirish bo‘yicha o‘zbek—koreys markazi tashkil etiladi. 

Markaz sohada ilmiy-texnik salohiyatni rivojlantirish, qishloq xo‘jaligi texnikasining yangi turlarini o‘zlashtirishda yakdil ilmiy-texnik va investitsiya siyosatini yuritish maqsadida tashkil etilmoqda. 

Markaz qishloq xo‘jalik texnikasining amaliy masalalari bo‘yicha ilmiy tadqiqotlar va innovatsiya ishlanmalarini olib boradi, energiya tejovchi zamonaviy qishloq xo‘jaligi texnikasining yangi turlarini ishlab chiqadi. 

Davlat rahbari qaroriga muvofiq, markaz 2020-yil 1-yanvargacha ayrim soliq turlarini to‘lashdan ozod etildi.