Ramazon hayiti munosabati bilan Moskvaning ba‘zi ko‘chalarida harakat cheklandi

Ramazon hayitiga bag‘ishlangan tadbirlarga tayyorgarlik ko‘rish munosabati bilan Moskvadagi ba’zi ko‘chalar yopildi. Cheklov 23 va 25-iyun, juma va yakshanba kunlari amalda bo‘ladi. Bu haqda “Kommersant” xabar berdi.

Yerusti transporti qatnovining cheklanishidan tashqari, 25-iyun, yakshanba kuni soat 07:00 dan 08:30 gacha metropolitenning “Minskaya” bekati yo‘lovchilar kirishi uchun yopiladi.

Yakshanba kuni soat 04:00 dan 11:00 gacha Moskva sobori, Tarixiy masjid, “Shuhado” masjidi yaqinida harakat to‘xtatiladi.

Qayd etilishicha, Xachaturyan ko‘chasida o‘ng tomonda harakat cheklanishi sababli ko‘chada joylashgan  “Yordam” va “Inom” masjidlari yaqinida harakat qiyinlashadi. Bu yerda jamoat transportiga yo‘lovchi olish va undan tushirish ham to‘xtatiladi.