TravelAsk nashri islom dini tarixida muhim ahamiyat kasb etuvchi, o‘zining go‘zalligi va hashamati bilan hamon dunyoni lol qoldirib kelayotgan masjidlar ro‘yxatini e’lon qildi.
1. Xasan II ning masjidi, Kasablanka, Marokash
Masjidning qurilish ishlari 1993-yilda yakunlangan bo‘lib, uni qurish uchun 800 million dollar mablag‘ sarflangan. Barcha pullar ehsonlar hisobiga yig‘ilgan.
2. Havorang masjid, Istanbul, Turkiya
Istanbul markazida joylagan masjid Sulton Ahmad yoki Havorang masjid deb ham ataladi. U 1616-yilda qurib bitkazilgan. Masjid nafaqat islom olamining, balki jahon arxitekturasining yuksak namunalaridan biri hisoblanadi.
3. Jome masjidi, Isfaxon, Eron
Jome masjidi — Isfaxondaning mahobatli inshootlaridan biri. Uni qurish VIII asrda boshlangan bo‘lib, qurilish va rekonstruksiya ishlari XX asr oxiriga qadar davom etgan.
4. Bibixonim masjidi, Samarqand, O‘zbekiston
Uzoq vaqtga qadar XV asrda qurilgan Bibixonim masjidi islom olamida eng ulkan masjid deya hisoblangan. Masjid Amir Temur buyrug‘iga asosan qurilgan. Inshoot O‘rta Osiyo arxitektura me’morchiligini klassik na’munasi.
5. Shayx Zayd masjidi, Abu-Dabi, BAA
Shayx Zayd masjidi ulkan tort misoli bo‘lib, nozik va nafis minora bilan bezatilgan. Masjidga o‘rnatilgan eng katta qandil, eng katta gilam va marmar mozaikasi o‘ziga xos rekordni qayd etgan.
6. Jome masjid, Dehli, Hindiston
XVII asrda Eski Dehli ko‘chalarining markaziga qurilgan ajoyib yodgorlik. Jome masjid Shohjahon buyrug‘iga asosan qurilgan. Bino hind-islom ramzlarini o‘zida mujassam etadi.
7. Meskita, Kordova, Ispaniya
G‘arbiy Yevropadagi islom o‘tmishining yorqin namunasi Kordova shahrida joylashgan. O‘rta asrlarda ushbu masjid kattaligi jihatidan ikkinchi o‘rinda turgan. Uni qurish ishlari VIII asrda boshlangan bo‘lib, XIII asrga qadar davom etgan. Hozirda ushbu masjud xristian dinining cherkoviga aylantirilgan.
Izoh (0)