2016-yil yakunlariga ko‘ra, dunyoning eng ko‘p haq to‘lanuvchi mualliflari ro‘yxatiga 17 kishi kiritildi, ulardan olti nafari ayol yozuvchidir. Forbes Woman kitoblari va ular asosida ishlangan kinofranshizalar 2016-yilda o‘z yaratuvchilariga ulkan daromad keltirgan ayol yozuvchilar ro‘yxatini keltiradi.
Ularning umumiy daromadi 90 million dollarni tashkil etadi.
- Joan Rouling
Yoshi: 51 da
Vatani: Buyuk Britaniya
Asarlari: Garri Potter haqidagi kitoblar seriyasi, “Tasodifiy bo‘sh o‘rin”, Kormoran Strayk haqidagi detektivlar seriyasi.
Garri Potter haqidagi yettita asar 65 ta tilga tarjima qilingan va 400 million nusxada chop etilgan. Yosh sehrgar haqidagi filmlar daromadi 7,7 milliard dollarga yetgan.
- Nora Roberts
Yoshi: 66 da
Vatani: AQSh
Asarlari: “Irlandcha yuraklar”, “Mak-Gregori”, “Tungi hikoyalar”, “Stanislavski oilasi”, Yeva Dallas haqidagi kitoblar to‘plami.
Nora Roberts juda sermahsul ijodkor. Bitta asarni yaratish uchun o‘rtacha 45 kun sarflaydi va shu zahoti boshqasiga o‘tadi. Yozuvchi o‘zining 200-kitobini 2012-yilda chiqargan bo‘lsa, 2017-yilda ularning soni 220 dan oshdi.
- Daniela Stil
Yoshi: 69 da
Vatani: AQSh
Asarlari: “Zoya”, “Oilaviy albom”, “Uzuk” va boshqa romanlar.
Stil 800 million nusxada tarqalgan va unga 330 million dollar daromad keltirgan 130 dan ortiq roman muallifidir.
- Erika Leonard Jeyms
Yoshi: 54 da
Vatani: Buyuk Britaniya
Asarlari: “Kulrangning ellik tusi”, “Ellik rangga qoraroq”, “Ozodlikning ellik tusi”.
2013-yilda 95 million dollar daromadi bilan Jeyms Forbes’ning eng yuqori haq to‘lanuvchi yozuvchilari reytingiga yetakchilik qildi.
- Pola Xokins
Yoshi: 45 da
Vatani: Buyuk Britaniya
Asarlari: “Poyezddagi qiz”, “Suvda”.
“Poyezddagi qiz” nashr etilgandan keyingi uch oy ichida ikki milliondan ortiq nusxada sotildi. O‘tgan yili Dream Works tomonidan chiqarilgan ekranizatsiyasi esa dunyo prokatida 173 million dollardan ortiq daromad keltirdi.
- Veronika Rot
Yoshi: 28 da
Vatani: AQSh
Asarlari: “Divergent”, “Insurgent”, “Elligent”.
2010-yilda hali 22 yoshga to‘lmagan Rot o‘zining o‘smirlik antiutopiyasi aks etgan birinchi kitobi “Divergent”ni kitob bilan tanishib chiqqan birinchi nashriyotga sotdi. 2017-yil yanvar holatiga ko‘ra, uning trilogiyasi 35 milliondan ortiq nusxada sotilgan.
Izoh (0)