Bugun,

  • USD 11095.31
  • RUB 173.84
  • EUR 10772.44

O‘zbekiston Prezidenti Shavkat Mirziyoyevning 2017-yil 12-yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida”gi farmoyishi yoshlarda kitobxonlikni oshirishda muhim dasturilamal bo‘lmoqda.

O‘zbekiston Birinchi Prezidenti Islom Karimov “Adabiyotga e’tibor – ma’naviyatga, kelajakka e’tibor” risolasida xalqning fidokorona mehnatini, buyuk bunyodkorlik salohiyatini, zamondoshlarning ma’naviy-ruhiy dunyosini, barkamol avlod tarbiyasidagi ezgu intilishlarni teran badiiy aks ettirishda milliy adabiyotning o‘rni va ahamiyati g‘oyat katta ekanini ta’kidlaydi.

Bugungi globallashuv davrida talaba-yoshlarning kitobga mehrini yanada kuchaytirish, ularning bilim va ko‘nikmalarini boyitish, o‘g‘il-qizlarni millat uchun yot va zararli ta’sirlardan himoyalash, faol fuqarolik pozitsiyasini shakllantirish dolzarb vazifa bo‘lib turibdi. Toshkent moliya instituti tomonidan boshqa bir qator tashkilotlar hamkorligida atoqli yozuvchi va shoirlar, ijodkorlar, ma’naviyat targ‘ibotchilari bilan uchrashuvlar o‘tkazib kelinmoqda.

31-may kuni institutning “Budjet hisobi” kafedrasi tomonidan institutning Budjet hisobi va davlat jamg‘armalari fakulteti 407-auditoriyasida kafedra haftaligi doirasida “Kitob mutolaasi va kitobxonlik madaniyatini oshirish” mavzusida ma’naviy-ma’rifiy tadbir o‘tkazildi.

Tadbirda O‘zbekistonda xizmat ko‘rsatgan madaniyat xodimi, xalq ta’limi a’lochisi, “Shuhrat” medali sohibi shoira Umida Abduazimova, “Chet tillari” kafedrasi katta o‘qituvchisi Muborak Bozorova, fakultet rahbariyati, kafedra professor-o‘qituvchilari va fakultet talabalari ishtirok etdi.

Ta’kidlash joiz, Umida Abduazimovaning “Sevinchim”, “Seni ko‘rgim kelaveradi”, “Arazlamang”, “Salom, hayot”, “Qadimiy qo‘shiq”, “Oydin orzular”, “Umrim ziynati”, “Oymoma bog‘” nomli o‘ndan ortiq she’riy va publitsistik to‘plamlari o‘z kitobxonlarini topgan.

Sadafbibi Abrayeva, Toshkent moliya instituti o‘qituvchisi

Izoh
Asosiy yangiliklar
Mahalliy
“Chegara masalasining yakuniy hal etilishi Markaziy Osiyo mintaqasida barqarorlik va xavfsizlikni mustahkamlashga xizmat qiladi” —  Sadir Japarov 
Dunyo
“Bizga hayvonlardan yomonroq munosabatda bo‘lishadi” — Afg‘onistonlik qiz “Tolibon”ning cheklovlari haqida (video)