Bugun,

  • USD 11095.31
  • RUB 173.84
  • EUR 10772.44

Toshkentdagi “Poytaxt” biznes markazida 31-may kuni O‘zbekiston—Germaniya biznes-forumi va kooperatsiya birjasi bo‘lib o‘tdi. Bu haqda O‘zA xabar bermoqda.

Foto: UzReport

Foto: UzReport

O‘zbekiston Savdo-sanoat palatasi tomonidan tashkil qilingan ushbu tadbirda ikki mamlakatning qishloq xo‘jaligi sohasiga mas’ul vazirlik va idoralari, agrosanoat uchun texnika va texnologiyalar ishlab chiqarishga ixtisoslashgan firma va kompaniyalari vakillari ishtirok etdi.

Germaniyalik ishbilarmonlarga 2017—2021-yillarda O‘zbekistonni rivojlantirishning beshta ustuvor yo‘nalishi bo‘yicha Harakatlar strategiyasi, O‘zbekiston ijtimoiy-iqtisodiy hayotida amalga oshirilayotgan keng ko‘lamli islohotlar haqida ma’lumot berildi.

Ikki mamlakat o‘rtasida savdo-iqtisodiy hamkorlikni yanada rivojlantirish, qishloq xo‘jaligi mahsulotlarini yetishtirish, chuqur qayta ishlash, saqlash, qadoqlash va eksport qilish bo‘yicha majmualar qurish, zamonaviy qo‘shma korxonalar tashkil etish, sohaga nou-xaularni keng joriy etishga oid masalalar muhokama qilindi.

“Mazkur tadbir O‘zbekistonda sarmoyadorlar uchun yaratilgan imkoniyatlar bilan tanishish, ishtirokchilarni Germaniyada ishlab chiqarilayotgan qishloq xo‘jaligi texnika va texnologiyalari bilan tanishtirish, fikr va tajriba almashish imkonini berdi. Mamlakatingiz ishbilarmonlari bilan o‘zaro hamkorlikni rivojlantirishdan manfaatdormiz”, – dedi Germaniya Oziq-ovqat va qishloq xo‘jaligi federal vazirligining savdo departamenti rahbari Aksel Lipinski.

O‘zAning qayd etishicha, Germaniya O‘zbekistonning Yevropadagi muhim savdo-iqtisodiy hamkorlaridan biri sanaladi. O‘zbekistonda MAN, Claas, Lemken, Knauf kabi dunyoga mashhur nemis kompaniyalari ish yuritmoqda. Ikki mamlakat o‘rtasidagi o‘zaro tovar ayirboshlash hajmi 2016-yili 520 million dollardan oshdi.

O‘zbekistonda Germaniya sarmoyasi ishtirokida 110 dan ziyod korxona faoliyat ko‘rsatmoqda. O‘zbekistondan Germaniyaga meva-sabzavot mahsulotlari, paxta tolasi va matolar, noorganik kimyo mahsulotlari, mis buyumlar eksport qilinadi, transport va sayyohlik xizmatlari ko‘rsatiladi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi