O‘zbekiston milliy terma jamoasi bosh murabbiyi Samvel Babayan Tailandga qarshi 6-iyun kuni bo‘lib o‘tadigan o‘rtoqlik o‘yini hamda 12-iyun kuni o‘tkaziladigan Eronga qarshi JCh—2018 saralash uchrashuvi uchun tarkiblarni e’lon qilgandi.
Mazkur tarkibdan milliy terma jamoaning ikki asosiy futbolchilari — Islom To‘xtaxo‘jayev hamda Vitaliy Denisov o‘rin olmadi. O‘FF matbuot xizmati bu ro‘yxatga Aleksandr Merzlyakovni ham qo‘shdi. Jarohati sabab u ham oldindagi ikki uchrashuvda ishtirok eta olmaydi.
Ma’lumot uchun, Vitaliy Denisov Suriya (0:1) va Qatarga (1:0) qarshi o‘yinlarda ham maydonga tusha olmagandi. Islom To‘xtaxo‘jayev esa Qatarga qarshi uchrashuvni qo‘yib yuborishga majbur bo‘lgan.
Eron termasi 12-iyun kuni O‘zbekistonni mag‘lub etsa, JCh—2018 chiptasini qo‘lga kiritadi.
Izoh (0)