Toshkentning “Lokomotiv” futbol klubi 13-mart kuni Osiyo Chempionlar ligasining 3-turida maydonga tushadi. Raqib Eronning “Istiqlol” klubi.
Dushanba kuni Toshkent vaqti bilan 20:30 da start oladigan bellashuvda ishtirok etish uchun “temiryo‘lchilar” Tehron safariga yakshanba kuni ertalab — 10:00 da parvoz qildi. “Championat.asia” nashrining aniqlik kiritishicha, “Lokomotiv” buning uchun charter reys buyurtma bergan. Avvalroq O‘zbekiston chempioni “At-Taavun”ga qarshi o‘yin uchun Saudiya parvoziga ham charter reys buyurtma bergandi.
“Istiqlol”ga qarshi uchrashuv Tehrondagi mashhur “Ozodiy” stadionida bo‘lib o‘tadi. Ayni vaqtda har ikki klub hisobida 3 tadan ochko bor.
“Lokomotiv” Saudiyada 0:1 hisobida yengilib, o‘z maydonida Amirliklarning “Al-Ahli” klubini 2:0 hisobida taslim qilgandi. “Istiqlol” esa safarda “Al-Ahli”ga 1:2 hisobida imkoniyatni boy bergan. 2-turda “At-Taavun”dan ustun kelgan — 3:0. To‘plar nisbatiga ko‘ra fors klubi “Lokomotiv”dan yaxshiroq natija qayd etib turibdi.
Izoh (0)