AQSh senati ExxonMobil sobiq bosh direktori Reks Tillersonning AQSh davlat kotibi lavozimiga tayinlanishini tasdiqladi, deb yozadi “Vedomosti”. Buni yoqlab 100 senatordan 56 nafari ovoz berdi. Demokratik kamchilikni tashkil etuvchi yana 43 senator qarshi chiqdi.
Reuters yozishicha, bu senatorlar tomonidan davlat kotibining eng past darajadagi qo‘llab-quvvatlanishidir. Masalan, Jon Kerriga 94 senator (3 nafar qarshi), Kondoliza Raysga 85 senator (13 nafar qarshi) ovoz bergan edi.
Senatdagi ovoz berishdan so‘ng bir necha soat o‘tib, Tillerson qasamyod qildi va rasman AQShning 69-davlat kotibiga aylandi.
Izoh (0)