“Real Sosyedad” darvozasiga 5 ta gol urgan “Barselona” Ispaniya kubogi yarim finaliga yo‘l oldi

Kataloniyaning “Barselona” klubi Ispaniya kubogi yarim finalida to‘p suradigan to‘rtinchi jamoaga aylandi. Bunga qadar “Alaves”, “Selta” va “Atletiko” yarim final chiptasini qo‘lga kiritgan, “Real Madrid” esa turnirdan chiqib ketgandi.

San-Sebastyan shahrida kechgan to‘qnashuv “Barselona”ning minimal hisobdagi g‘alabasi bilan yakuniga yetgan bo‘lib, kataloniyaliklar bir necha yillardan buyon davom etib kelayotgan qora an’anaga chek qo‘yib bergandi. “Kamp Nou”da esa Luis Enrike jamoasi 5 ta gol urishga muvaffaq bo‘ldi.

Yaqindagina “Barselona”dagi debyut golini nishonlagan Denis Suares bu safar dubl qayd etdi. Qolgan gollar Messi, Luis Suares va Arda Turan hisobiga yozildi.

Ispaniya kubogi 1/4 final 26-yanvar, payshanba

“Barselona” — “Real Sosyedad” 5:2