Dengiz qisqichbaqasining yangi turi “Garri Potter”dagi Severus Snegg sharafiga nomlandi

Olimlar tomonidan Tinch okeanining g‘arbiy qismida kashf etilgan dengiz qisqichbaqasining yangi turi “Garri Potter”dagi qahramonlardan biri sharafiga Harryplax severus deb nomlandi. Bu haqda National Geographic xabar bermoqda.

Biologlar qisqichbaqasimonning oqish-sariq zirhi tufayli uni Severus Snegg qahramoniga o‘xshatdi. Snegg Garri Potter haqidagi kitob va filmlarda o‘zining rangparligi bilan tanilgan.

Asarni ekranlashtirishda Snegg rolini 2016-yilning 14-yanvarida vafot etgan aktyor Alan Rikman ijro etgan.

Harryplax severus Guam oroli sohillarida yashaydi. Yangi turning nomi Snegg va havaskor biolog Garri Konlining ismlarini birlashtiradi. 2002-yilda vafot etgan Garri Konli 1998-yilda birinchi bo‘lib yangi turni aniqlagan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.