Bugun,

  • USD 11014.01
  • RUB 191.8
  • EUR 10674.78

O‘zbekiston Prezidenti Shavkat Mirziyoyev 20—21-yanvar kunlari Qoraqalpog‘iston Respublikasida bo‘ldi, deya xabar bermoqda O‘zA.

Foto: Telegram / @uzlidep

Foto: Telegram / @uzlidep

O‘zbekistonning barcha hududlari kabi Qoraqalpog‘istonda ham keng ko‘lamli bunyodkorlik ishlari amalga oshirilmoqda. Nukus shahrida ko‘p qavatli uylar, zamonaviy infratuzilma obyektlari barpo etilmoqda.

Shavkat Mirziyoyev Nukusdagi Yernazar Olako‘z ko‘chasini rekonstruksiya qilish loyihasi bilan tanishdi. Rejaga ko‘ra, ushbu markaziy ko‘cha kengaytirilib, transport harakati uchun yanada qulaylik yaratiladi. Yo‘l bo‘yida ko‘p qavatli uylar, savdo va maishiy xizmat ko‘rsatish shoxobchalari quriladi.

O‘zbekiston Prezidenti Toshkent pediatriya tibbiyot institutining Nukus filialida ham bo‘ldi. Bu yerda ko‘p tarmoqli bolalar klinikasi, o‘yin maydonchasi, mehmonxona bunyod etilmoqda.

Foto: Telegram / @uzlidep

Foto: Telegram / @uzlidep

Institutda haqiqiy ilmiy muhit yaratish, xorij tajribasini o‘rganish, xalqaro klinikalar bilan hamkorlikni rivojlantirish, onalar va bolalar salomatligini samarali muhofaza qilish bo‘yicha tavsiyalar berildi.

O‘zbekiston Prezidenti Shavkat Mirziyoyev Qoraqalpog‘istonga tashrifi davomida rekonstruksiya qilinib, foydalanishga topshirilgan Nukus temir yo‘l vokzalini borib ko‘rdi.

Bu yerda yo‘lovchilar uchun qo‘shimcha qulayliklar yaratish, xizmat turlarini ko‘paytirish va xizmat ko‘rsatish madaniyatini yanada oshirish zarurligini ta’kidladi.

Shuningdek, Shavkat Mirziyoyev Imom Eshon Muhammad masjidida nuroniylar bilan suhbatlashdi. Unda keksalarni e’zozlash, yoshlar tarbiyasi haqida so‘z bordi.

Foto: O‘zA

Foto: O‘zA

Shu bilan O‘zbekiston Respublikasi Prezidenti Shavkat Mirziyoyevning Qoraqalpog‘iston Respublikasiga tashrifi nihoyasiga yetdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Izoh
Asosiy yangiliklar
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi