Toshkent ko‘chalarini mototsiklda kezayotgan Santa-Klaus (foto)
Toshkentlik avtohavaskorlarning Facebook’dagi guruhlarida shahar ko‘chalari bo‘ylab Santa-Klaus libosida harakatlanayotgan mototsiklchining suratlari e’lon qilindi.
Ko‘pchilik internet foydalanuvchilari mazkur suratlarni xushkayfiyat bilan kutib olgan, suratlar ostida kayfiyatni ko‘taradigan kommentlar qoldirgan.
Foydalanuvchilardan birining qayd etishicha, Qorbobo libosida mototsikl minish an’anasi bundan ikki yilcha avval, “O‘zbekiston baykerlari” guruhi tomonidan boshlangan.
2015-yil arafasida bir guruh o‘zbekistonlik baykerlar Qorbobo va bayramning boshqa qahramonlari libosida bolakaylarni Yangi yil bilan qutlagan, turli aksiyalar o‘tkazgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
