“Bavariya” o‘z maydonida “Atletiko”dan revansh oldi, Gollandiyada yengilmagan “Rostov” Yevropa Ligasiga yo‘l oldi

Chempionlar Ligasining “D” guruhi o‘yinlariga yakun yasaldi. Unga ko‘ra Madridning “Atletiko” klubi guruhni 1-o‘rinda yakunladi. Karlo Anchelotti ustozlik qilayotgan “Bavariya” klubiga esa 2-o‘rin nasib qildi.

Diyego Simeone boshchilik qiladigan “Atletiko” bunga qadar barcha o‘yinlarda zafar quchib, yuz foizlik natija qayd etib turgandi. So‘nggi turda klub Myunxenda mag‘lub bo‘ldi.

Bir tur avval “Bavariya”ni mag‘lub etgan Rossiyaning “Rostov” klubi bu safar “PSV” bilan durang o‘ynadi va Yevropa Ligasi yo‘llanmasini qo‘lga kiritdi. Tomonlarning Rossiyada bo‘lib o‘tgan o‘yinida 2:2 hisobi qayd etilgandi.

“Bavariya” — “Atletiko” 1:0

“PSV” — “Rostov” 0:0