Rossiya chempionati 15-turida O‘zbekiston terma jamoasi sardori Odil Ahmedov to‘p surayotgan “Krasnodar” jamoasi Sankt-Peterburgning “Zenit” klubiga qarshi bahs olib borib, 2:1 hisobida irodali g‘alabaga erishdi.
Odil Ahmedov uchrashuvning 58-daqiqasida zaxiradan maydonga tushdi. O‘yinning 86-daqiqasida Artyom Dzyuba hisobni ochib, “Zenit”ni oldinga olib chiqqan bo‘lsa, hakam tomonidan asosiy vaqtga qo‘shib berilgan daqiqaning birinchisida Marat Izmaylov hisobni tenglashtirdi.
Uchrashuvning so‘nggi soniyalarida Tornike Okriashvili akrobatik uslubdagi goli bilan “Krasnodar”ga 3 ochko taqdim qildi.
Mazkur bellashucdan so‘ng “Zenit” 31 ochko bilan 2-o‘rinda qoldi. Ochkolari sonini 27 taga yetkazib olgan “Krasnodar” 3-pog‘onaga ko‘tarilib oldi.
“Krasnodar” – “Zenit” 2:1
Gollar: 86 Dzyuba, – 90+1 Izmaylov, 90+4 Okriashvili.“Krasnodar”: Sinitsin, Grankvist, Naldo, Yenjeychik, Izmaylov, Gazinskiy (Bistrov, 83), Torbinskiy, Kabore, Laborde (Ahmedov, 58), Joaozino (Okriashvili, 63), Smolov.
“Zenit”: Lodigin, Netu, Novoselsev, Krishito, Vitsel, Jirkov (Chernov, 78), Juliano, Garsiya, Mak (Maurisio, 88), Kokorin (Kerjakov, 84), Dzyuba.
Ogohlantirishlar: Vitsel (45), Laborde (49), Yenjeychik (75), Garsiya (80), Izmaylov (85), Torbinskiy (90), Dzyuba (90).
Izoh (0)