Yevropada mehnat hayoti davomiyligining o‘rtacha ko‘rsatkichi oshdi va 2015-yilgi hisob-kitoblarga ko‘ra, 35,4 yilni tashkil qildi, deb yozadi “Interfaks” Yevropa ittifoqining Eurostat statistika xizmatiga tayanib.
Mehnat hayotining kutilayotgan o‘rtacha davomiyligi — 15 yoshdagi odam o‘z hayoti davomida faol mehnat bozorida ish bilan band yoki ishsiz shaxs sifatida kechirishi kutilayotgan yillar soni.
Mehnat hayotining kutilayotgan o‘rtacha davomiyligi Shvetsiya (41,2 yil), Niderlandiya (39,9 yil), Daniya (39,2 yil), Buyuk Britaniya (38,6 yil) va Germaniya (38 yil)da eng uzun bo‘lib chiqdi. Italiya (30,7 yil), Bolgariya (32,1 yil), Gretsiya (32,3 yil), Belgiya, Xorvatiya, Polsha va Vengriya (32,6 yildan)da esa ushbu ko‘rsatkich eng kichik bo‘ldi.
Izoh (0)