Yoaxim Lyov 2020-yilgacha Germaniya futbol termasiga ustozlik qiladi

Futbol bo‘yicha Germaniya terma jamoasi bosh murabbiyi Yoaxim Lyov jamoani 2020-yilgacha boshqaradigan bo‘ldi. Bu haqda “Interfaks” xabar bermoqda.

Yoaxim Lyov Germaniya futbol ittifoqi bilan amaldagi shartnomasini 2020-yilga qadar uzaytirdi. Uning avvalgi shartnomasi 2018-yilgacha amalda bo‘lardi.

56 yoshli Lyov 2004-yili bundestim murabbiylar shtabiga kirgan, 2006-yili Germaniya milliy terma jamoasi bosh murabbiyi etib tayinlangan.

U terma jamoa bosh murabbiyi sifatida o‘tgan yillar davomida jahon chempioni bo‘ldi (2014-yilda), shuningdek, 2008 yilgi Yevropa chempionatida ikkinchi o‘rinni, 2010-yilgi jahon chempionati, 2012 va 2016-yilgi Yevropa chempionatlarida bronza medallarini qo‘lga kiritdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.