AQShda yenot yigitning telefonini o‘g‘irlab, jarayonni videoga oldi

AQShning Elizabettaun shahrida (Kentukki shtati) istiqomat qiluvchi 19 yoshli Gay Uilyams yenot uning telefonini o‘g‘irlab ketgani aks etgan videolavhani Twitter’da e’lon qildi. Bu haqda TJournal xabar bermoqda.

BuzzFeed’ning bildirishicha, yigit jonivorni universitet shaharchasida ko‘rib, uni ovqatlantirmoqchi bo‘lgan, jarayonni videoga olish maqsadida smartfonni maysa ustiga qo‘ygan. Ammo yenot ovqatdan ko‘ra gadjetga ko‘proq qiziqqan va uni o‘marishga uringan.

https://twitter.com/video/status/786400064302264320

Bir muddatdan so‘ng Uilyams telefonni topgan va 12-oktabr kuni jonivorning qo‘lidagi uskuna tushirgan videoni internetga yuklagan. Bir sutka davomida yozuv 120 ming “retvit” to‘pladi.