Rusbase nashri Rossiyaning eng boy biznesmenlaridan biri Alisher Usmonovning intervyularda yangragan eng yaxshi mulohazalarini bir joyga to‘pladi.
- Pul — yo muvaffaqiyatlaringiz mezoni, yo, aksincha, omadsizliklarni o‘lchaydigan ko‘rsatkich.
- Ta’lim boy bo‘lish uchun kerak, deb aniq ayta olmayman. Biroq ta’lim olgan bo‘lsangiz, boyib ketishingiz ehtimoli ancha katta bo‘ladi.
- Biznesda, xuddi sportdagi kabi, eng kuchlilar yutib chiqadi.
- Men boy bo‘lib tug‘ildim: ota-onam menga ta’lim va tarbiya berdi.
- Biznesdagi muvaffaqiyatsizlik doim ham biznesning natijasi muvaffaqiyatsiz bo‘lganini bildirmaydi.
- Qanchalik ko‘p bo‘lishsangiz, sizga shunchalik ko‘p qaytib keladi.
- Pul sizga nimadadir erkinlik berishi mumkin, biroq boshqa narsada tobe qilib qo‘yadi.
- Hamma ishlay oladi. Lekin hamma ham o‘z ishi natijasiga ko‘ra biznesmen bo‘la olmaydi.
- Eng yoqimli xarajat — bu kitob xarid qilish.
- Ma’lum yoshga yetganda sevimli ayolingizga sovg‘a sotib olish uchun pul sarflash xursandchilik bag‘ishlaydi.
- Oilamizdagi bolalarga juda kam pul berishga harakat qilaman. Bizga ota-onamiz avvalo ta’lim va tarbiya qoldirgan, qolgan narsalarning barchasiga biz o‘zimiz erishganmiz.
- Baxt pulda emas, baxtli bo‘la olish qobiliyatida.
- Bugun men jon deb yillik daromadi bir necha yuz ming dollarga teng odam bo‘lardim. Shunda hech kimning men bilan ishi bo‘lmasdi va butunlay erkin bo‘lardim.
- Hisobimda qancha pul borligini bilmayman. Mening g‘aznachi vazifasini bajaruvchi odamim bor.
- Mening shaxsiy xarajatlarim men oladigan daromadga solishtirganda unchalik katta emas.
- Men o‘zimni juda oddiy odam deb hisoblayman. Mening hayot tarzim hech qachon qancha pul ishlab topishimga bog‘liq bo‘lmagan.
- Birinchi navbatda ota-onamga o‘zimda menga do‘stlar orttirish imkonini bergan xususiyatlarni tarbiyalagani uchun minnatdorman. Do‘stlarimga esa menga katta biznesmen bo‘lishda yordam bergani uchun minnatdorman.
Izoh (0)