Nobel qo‘mitasining rahbari: Tinchlik mukofotining maqsadi — Kolumbiyadagi tinchlik jarayoniga ko‘maklashish

Kolumbiya prezidenti Xuan Manuel Santosni 2016-yilgi tinchlik bo‘yicha Nobel mukofoti laureati deb e’lon qilgan Norvegiya Nobel qo‘mitasi mukofot Janubiy Amerika respublikasidagi tinchlik jarayonini qo‘llab-quvvatlashga yordam beradi deb umid qiladi. Bu haqda qo‘mita raisi Karin Sisille Kullman Five “TASS”ga bergan intervyusida ma’lum qildi.

“Biz qilayotgan ishdan maqsad Kolumbiyada tinchlik jarayonini qo‘llab-quvvatlash va mustahkamlashdir. Prezident Santos kabi biz ham referendumda tinchlik bitimining shartlariga qarshi ovoz bergan Kolimbiya xalqining demokratik tanlovini chuqur hurmat qilamiz, biroq jarayon yana ilgarilashini istaymiz”, — dedi u.

Uning so‘zlariga qaraganda, mukofot tinchlik jarayonini o‘rnatishdagi avvalgi muvaffaqiyatlar bilan birga uning muvaffaqiyatli yakunlanishi umidida ham taqdim etilgan.