“Ash-Shabob” jangarilari Somali Qurolli kuchlarining Keniya bilan chegaradagi harbiy bazasiga hujum qilishi oqibatida kamida yetti harbiy halok bo‘ldi. Bu haqda Reuters agentligiga tayanib, “TASS” xabar bermoqda.
“Biz yetti nafar harbiy va ikkita transport vositasini yo‘qotdik”, – deya ma’lum qildi Somali QK vakili Reuters’ga. Agentlik suhbatdoshining aytishicha, hujum 16-sentabr, juma kuni kechga yaqin amalga oshirildi. Hujum qilishdan avval “Ash-Shabob” jangarilari harbiy bazaning aloqa tizimini ishdan chiqardi.
Somalida qurolli mojaro 1990-yillar boshidan buyon davom etib kelmoqda. Somalidagi Afrika ittifoqi kuchlari (22 ming askar) yordamida hukumat harbiylari “Ash-Shabob” jangarilariga qarshilik ko‘rsatadi.
Izoh (0)