Dunyodagi eng mashhur suzish ustalaridan biri, 23 karra Olimpiya chempioni, amerikalik Maykl Felps o‘ziga xos parhez ishlab chiqqan. U iste’mol qiladigan kaloriyalar miqdori bir qarashda juda ko‘p tuyulishi mumkin, lekin, nima bo‘lganda ham, bu tartib unga ketma-ket chempionlikni qo‘lga kiritishga yordam bermoqda.
Maykl Felpsning ovqatlanishi va mashq qilishi haqida “Layfxaker” hikoya qiladi.
Mavzuga oid:
- Maykl Felps faoliyatini tugatishini ma’lum qildi
- Maykl Felpsga havas qilib, u bilan suratga tushgan bolakay 8 yildan keyin o‘z kumirini ortda qoldirdi
Parhez
2008-yilgi Pekin musobaqalaridan oldin Felps kuniga 12 ming kilokaloriya (bir martada — 4 ming kilokaloriya) iste’mol qilayotganini aytgan edi. Keyinchalik u biroz mubolag‘aga yo‘l qo‘yganini tan oldi, lekin asl sonlar ham mutaxassislarga juda ko‘p tuyuldi.Sportchi kunini tuxumlik sendvichdan boshlardi — ushbu taom ichiga, shuningdek, qovurilgan piyoz, pishloqning bir necha turi va mayonez kirardi. Shundan so‘ng u shokoladli yupqaga o‘tar, protein zaxiralarini to‘ldirish uchun ishni fransuzcha tostlar, yorma va beshta tuxumdan tayyorlangan quymoq bilan davom ettirardi.
Mayklning tushligi ichiga pishloq va dudlangan go‘sht solingan bir necha sendvich, energetik ichimlik va bir tovoq pastadan iborat bo‘lar edi.
Kechki taomga esa sportchi butun pitssani va yarim kilogramm pastani yeb qo‘yishi mumkin edi.
Bu parhez Mayklga 2008-yilgi Olimpiadada sakkizta medal yutishga yetarli kuch berdi. Rioda uning natijasi biroz kamtarroq bo‘ldi, lekin shu ham ko‘pchilikni hayratda qoldirdi. Hozir uning nonushtasi bir chashka qahva, mevalar, bir tovoq suli yormasi hamda dudlangan go‘sht va pishloq solingan katta quymoqdan tashkil topadi. Tushlikka sportchi mitbol solingan katta sendvich, kechlikka esa donli taom, yog‘siz go‘sht va sabzavot iste’mol qilishni xush ko‘radi.
Mashg‘ulotlar
Suzish yugurish kabi ko‘p kaloriyani sarflamaydi, ammo Felps tanovuliga muvofiq mashq tartibini belgilab olgan. U har kuni 5–6 soat mashq qiladi. Tayyorgarlikning avjida u hovuzda kuniga 80 kilometr suzadi. Ba’zan bir kunda ikkita mashg‘ulot o‘tkazadi. Maykl suzibgina qolmay, maxsus mashqlarni bajaradi, qo‘shimcha uskunalardan — mashq kuraklari va suzish taxtalaridan foydalanadi.Oxirgi paytlarda u hovuzdagi mashqlarga qo‘shimcha ravishda haftasiga uch marta (dushanba, chorshanba, juma kunlari) kuchga ishlamoqda. Felps asosan tortilish va qo‘l tayanchi mashqlarini bajaradi. Bu unga muskullar massasini o‘stirish va sabr-bardoshni oshirishda yordam beradi.
Izoh (0)