Microsoft Corp. smartfonlar ishlab chiqarish bilan shug‘ullanuvchi bo‘linmasini qayta tashkil etish doirasida 12 oy davomida yana 2 850 ta ish o‘rnini qisqartiradi. Bu haqda “Interfaks” xabar beradi.
“2016-yilning mayida e’lon qilingan 1 850 ta pozitsiyani tugatishga qo‘shimcha ravishda avval ma’lum qilingan rejani amalga oshirish doirasida yil davomida dunyo bo‘yicha taxminan 2 850 ta ish o‘rni qisqartiriladi. Bu harakatlar 2017-moliyaviy yilning oxiriga qadar yakunlanadi”, — deyiladi Microsoft xabarida.
Microsoft uchun 2017-moliyaviy yil 2016-yilning 1-iyulida boshlangan edi va u 2017-yilning 30-iyunida yakunlanadi.
Kompaniya vakili umumiy sotuv bo‘limidan 900 kishi allaqachon bo‘shatilganligini ma’lum qildi. Qolgan qisqartirishlar sotuvlarni tashkil etish sohasi va mobil telefonlarni ishlab chiqarish bo‘limiga tegishli bo‘ladi.
Izoh (0)