Sitsiliya bo‘g‘ozida halok bo‘lgan muhojirlar soni 39 nafarga yetdi

21-iyul, payshanba kuni Italiyaning janubiy sohillarini shimoliy Afrika qirg‘oqlaridan ajratib turuvchi Sitsiliya bo‘g‘ozidan o‘tib olishga urinish chog‘ida qirq nafarga yaqin muhojir halok bo‘ldi. Bu haqda ANSA agentligi ma’lumotiga tayanib, “TASS” xabar bermoqda.

Halokatga uchragan qayiqdan 452 nafar muhojirni qutqarish bo‘yicha operatsiya davomida uning tryumi (kemaning mexanizmlar o‘rnatiladigan va yuk ortiladigan ostki qismi)dan 17 nafar qurbonning jasadi topilgan.

Shu tariqa avvalroq “Chegara bilmas shifokorlar” kemalaridan biri ekipaji tomonidan topilgan 22 kishining jasadi bilan birga jami halok bo‘lgan muhojirlarning soni 39 kishiga yetdi.

Tryumdagi odamlar motor chiqaradigan is gazidan zaharlanib o‘lganligi taxmin qilinmoqda.

Italiya sohil qo‘riqlash xizmatining ma’lumotiga qaraganda, 21-iyul, payshanba kuni amalga oshirilgan sakkizta operatsiya davomida jami 1 128 nafar muhojir qutqarib qolingan.