“Olmaliq” futzal bo‘yicha klublar o‘rtasidagi OChda Livan chempioni bilan durang o‘ynadi
Bugun, 16-iyul kuni futzal bo‘yicha klublar o‘rtasidagi Osiyo chempionatining 2-tur bellashuvlari o‘tkazilmoqda. Tailandda bo‘lib o‘tayotgan musobaqada O‘zbekiston nomidan ishtirok etayotgan “Olmaliq” bu turda Livan chempioni “Al Mayadin”ga qarshi bahs olib bordi, deb xabar bermoqda “Championat.asia”.
Uchrashuvda 2:2 hisobi qayd etildi. Birinchi o‘yinda O‘zbekiston chempioni Eronning “Tasisat Daryoiy” klubiga 3:4 hisobida imkoniyatni boy bergandi.
Futzal bo‘yicha klublar o‘rtasidagi bu yilgi Osiyo chempionatida 12 jamoa 4 guruhga 3 tadan bo‘lingan holda ishtirok etmoqda. Guruhda dastlabki ikki o‘rinni olgan jamoalar keyingi bosqichga yo‘l oladi.
Endi “Olmaliq”ning pley-offga chiqishi 17-iyul bo‘lib o‘tadigan “Tasisat Daryoiy” – “Al Mayadin” uchrashuvidan keyin hal bo‘ladi. Ushbu o‘yinda Eron klubi 2 va undan ortiq to‘p farqi bilan g‘alaba qozonsa, Aleksandr Petrov shogirdlari chorak finalga yo‘l oladi.
Klublar o‘rtasidagi Osiyo chempionati
“B” guruhi
2-tur, 16.07.2016
