Бугун, 16 июль куни футзал бўйича клублар ўртасидаги Осиё чемпионатининг 2-тур беллашувлари ўтказилмоқда. Таиландда бўлиб ўтаётган мусобақада Ўзбекистон номидан иштирок этаётган «Олмалиқ» бу турда Ливан чемпиони «Ал Маядин»га қарши баҳс олиб борди, деб хабар бермоқда «Championat.asia».
Учрашувда 2:2 ҳисоби қайд этилди. Биринчи ўйинда Ўзбекистон чемпиони Эроннинг «Тасисат Дарёий» клубига 3:4 ҳисобида имкониятни бой берганди.
Футзал бўйича клублар ўртасидаги бу йилги Осиё чемпионатида 12 жамоа 4 гуруҳга 3 тадан бўлинган ҳолда иштирок этмоқда. Гуруҳда дастлабки икки ўринни олган жамоалар кейинги босқичга йўл олади.
Энди «Олмалиқ»нинг плей-оффга чиқиши 17 июль бўлиб ўтадиган «Тасисат Дарёий» – «Ал Маядин» учрашувидан кейин ҳал бўлади. Ушбу ўйинда Эрон клуби 2 ва ундан ортиқ тўп фарқи билан ғалаба қозонса, Александр Петров шогирдлари чорак финалга йўл олади.
Клублар ўртасидаги Осиё чемпионати
«B» гуруҳи
2-тур, 16.07.2016