Isyonchilar harbiy kema va Turkiya floti qo‘mondonini qo‘lga oldi

Harbiy to‘ntarish tarafdorlari Marmara dengizining janubiy qirg‘og‘idagi Geljyuk bazasida Turkiya harbiy-dengiz floti fregatini egalladi. Shuningdek, turk floti qo‘mondoni ham garovga olingan. Bu haqda Gretsiya armiyasidagi yuqori martabali manbaga tayanib, Reuters ma’lum qildi, deya xabar beradi “RBK”. 

Proto Thema nashriga ko‘ra, F-240 TCG Yavuz qo‘lga olingan. Mazkur fregat kemaga qarshi Harpoon raketalari bilan jihozlangani bildirilmoqda. 

Oldinroq rasmiylar harbiy to‘ntarishda ishtirok etganlikda gumon qilib, turk floti kontr-admirali Najot Atillani hibsga olgandi.

Eslatib o‘tamiz, 16-iyulga o‘tar kechasi Turkiyada harbiy to‘ntarishni amalga oshirishga urinishda 200 ga yaqin kishi halok bo‘ldi, 2800 dan ortiq harbiy hibsga olindi.