“Lukoyl” Qozog‘istonda 85 million dollar qiymatidagi moylash materiallari zavodi qurilishini boshladi

“Lukoyl” Qozog‘istonda 85 million dollar qiymatidagi moylash materiallari zavodi qurilishini boshladi. Bu haqda Rossiya kompaniyasi press-relizida ma’lum qilingan, deya xabar beradi “TASS”.

Zavod quvvati yiliga 100 ming tonnani tashkil etadi, bu ko‘rsatkich 130 ming tonnagacha yetishi mumkin. Ishlab chiqarish maydoni Olmaota viloyatida, “G‘arbiy Yevropa—G‘arbiy Xitoy” transport yo‘lagi yaqinida joylashgan (uning mamlakatdagi qismini 2016-yilda qurib bitkazish mo‘ljallangan).

Bunday muhim transport magistrallari chorrahasida joylashganlik zavod mahsulotlari nafaqat Qozog‘iston, balki Markaziy Osiyoning boshqa mamlakatlari, shuningdek, Mo‘g‘uliston, Afg‘oniston va Xitoyda ham xaridorini topishiga imkon beradi.