Turkiyaning Suriya bilan chegarasida joylashgan Kilis shahri hududiga ikkita raketa tushdi. Oqibatda bir kishi yengil jarohat oldi. Bu haqda, Reuters agentligi ma’lumotiga tayanib, “RIA Novosti” xabar berdi.
Agentlikning ma’lum qilishicha, raketalar Suriyaning IShID terrorchilik guruhi tomonidan nazorat qilinuvchi qismidan uchirilgan.
Kilis oxirgi oylarda bir necha marta Suriya bilan chegaradosh hududdan raketa hujumiga uchradi. Hujumlar oqibatida 20 ga yaqin kishi halok bo‘ldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.