15-aprel, juma kuni kechki payt Armaniston poytaxtida mamlakatning sobiq prezidenti Robert Kocharyan uyiga hujum uyushtirildi. Bu haqda Armaniston politsiyasi axborot va jamoatchilik bilan aloqalar boshqarmasi boshlig‘i Ashot Agaronyan ma’lum qildi, deya xabar beradi “TASS”.
U mahalliy vaqt bilan 18:00 atrofida sobiq davlat rahbari uyiga hujum qilinganini tasdiqladi va ayni paytda voqea joyida tezkor guruh ishlayotganini bildirdi. Hodisaning to‘liq tafsiloti keltirilmagan, ayrim ma’lumotlarga ko‘ra, noma’lum kimsa uyga granata uloqtirgan.
1998—2008-yillarda mamlakatni boshqargan Kocharyan ayni paytda xorijda ekanligi, uning oila a’zolaridan esa hech kim jabrlanmagani ma’lum qilingan.
Izoh (0)