“Barselona” himoyachisi Jerar Pike “Atletiko”ga qarshi Yevropa Chempionlar Ligasi 1/4 finalining dastlabki o‘yini oldidan o‘z fikrlarini bildirib o‘tdi, deb xabar beradi “Uff.uz”.
“‘Atletiko’ga qarshi kechadigan o‘yin juda katta ahamiyatga ega. Biz yaxshi saviyadagi o‘yin namoyish qilib, ijobiy natijaga erishmoqchimiz. Ishonchim komilki, maydonda ‘Barselona’ning eng yaxshi ko‘rinishi bo‘ladi. Biz o‘tgan yili barcha musobaqalarda bejizga g‘olib chiqmaganimizni isbotlamoqchimiz. ‘Atletiko’ga qarshi kechadigan o‘yinga telbalarcha ishtiyoq bilan yaqinlashyapmiz. Maydonda teng kurash bo‘ladi. Ammo biz oldin ham g‘alaba qozonganmiz va favorit ekanimizni yaxshi bilamiz”, – deydi Pike.
“Barselona” – “Atletiko” o‘rtasidagi dastlabki uchrashuv bugun, 5-aprel kuni “Kamp Nou” stadionida bo‘lib o‘tadi. O‘yin Toshkent vaqti bilan 23:45 da boshlanadi.
“Daryo” internet-nashri “Barselona” — “Atletiko” va “Bavariya” — “Benfika” bahslaridan bitta umumiy matnli onlayn uyushtiradi.
Mavzuga oid:
Izoh (0)