Nike firmasi konsepsiyasi “Kelajakka qaytib-2” filmida taqdim etilgan krossovkaning real versiyasini taqdim etdi, deb xabar beradi Meduza.

Film syujetiga ko‘ra, bosh qahramon Marti Makflay kelajakka borib, bog‘ichi o‘z-o‘zidan bog‘lanadigan krossovkaga ega bo‘ladi. Nike Hyperadapt 1.0 krossovkasi aynan mana shunday xususiyatga ega.

Nike Hyperadapt 1.0 ustida dizayner Tinker Xetfild va kompaniyaning katta innovatori Tiffani Birslar ishladi. Birsning so‘zlariga qaraganda, inson tovoni maxsus sensorga tegishi bilan oyoq kiyimining iplari o‘z-o‘zidan harakatga kelib, bog‘lanadi. Krossovka chekkasida ikkita tugma bo‘lib, ular bog‘lanishni zaiflashtirish yoki kuchaytirishga xizmat qiladi.

Krishtianu Ronaldu internetga joylashtirgan videorolikdan ma’lum bo‘lishicha, futbolchi allaqachon krossovkani sinab ko‘rishga ulgurgan.

Nike Hyperadapt 1.0 2016-yilning Rojdestvo mavsumida sotuvga chiqariladi. Uni faqat Nike+ dasturi foydalanuvchilari xarid qilishi mumkin bo‘ladi. Krossovka uch rangda taklif etiladi.

Eslatib o‘tamiz, o‘tgan yil oktabrida Marti Makflay roli ijrochisi Maykl Jey Foks Nike kompaniyasi tomonidan sovg‘a qilingan bog‘ichlari o‘zi bog‘lanadigan krossovkalarning ilk namunasini sinab ko‘rgan edi.