Krishtianu Ronaldu: Ishonchim komil, ertami-kechmi katta kinoda rol o‘ynayman

Madridning “Real” jamoasi hujumchisi Krishtianu Ronaldu faoliyatini yakunlaganidan keyin o‘zini kinoaktyor sifatida sinab ko‘rishini ta’kidladi. Bu haqda “Stadion.uz” xabar bermoqda.

— O‘zimni Gollivud kinosida sinab ko‘raman-mi? Nima uchun yo‘q? Hozir oldimga bunday vazifani qo‘ymayapman, ammo, menga filmda suratga tushish taklifi kelib tushgan. Shunchaki, hozirgi turmush tarzim bilan barchasiga ulgurish qiyin – mashg‘ulotlar, o‘yinlar. Lekin kelajakda bu men uchun qiziqarli bo‘lardi.

Menimcha, bosh rolni o‘ynay olmasam kerak, ha, ikkinchi darajali rolni ham. Men o‘rganishni yaxshi ko‘raman. Aktyorlik mahoratini faqat yaxshi aktyorlardan o‘rganish mumkin. Men bu borada mahoratli emasman, ammo, bu ish bilan shug‘ullansam, o‘sishga erishishim mumkin.

Aktyorning ishi futbolchining ishidan keskin farq qiladi. Aktyor – juda chiroyli va murakkab kasb. Ishonchim komil, ertami-kechmi katta kinoda rol o‘ynayman. Avval kichik rollarda o‘ynab tajriba to‘playman, keyin esa ko‘ramiz, – deydi Krishtianu Ronaldu.