“O‘z-Xanvu” MChJ “Ural Next” avtomobili uchun shovqinni izolyatsiyalovchi qismlarning seriyali ishlab chiqarilishi va eksportini yo‘lga qo‘ydi. Bu haqda “O’zavtosanoat” AK rasmiy saytida axborot berildi.
Aytilishicha, GM Uzbekistan AJ tomonidan ishlab chiqariladigan avtomobillar uchun shovqinni izolyatsiyalovchi qismlar ishlab chiqarishga ixtisoslashtirilgan “O‘z-Xanvu” 2015-yilda “Gruppa Gaz” OAJning tarmoq zavodlari bilan aloqalar o‘rnatdi va hamkorlikda ishlashni boshlagan edi. Hamkorlik natijasida “Ural Next” avtomobillari uchun shovqinni izolyatsiyalovchi qismlarning seriyali ishlab chiqarilishi va eksporti yo‘lga qo‘yildi.
Shuningdek, joriy yilda JV MAN Auto-Uzbekistan yuk avtomobillari uchun “O‘z-Xanvu” MCHJ tomonidan shovqinni izolyatsiyalovchi qismlarni ishlab chiqarish va sotishni boshlash rejalashtirilmoqda.
Izoh (0)