“O‘zbektelekom” provayderlar uchun internet-xizmatlar tariflarini pasaytirdi

“O‘zbektelekom” aksiyadorlik kompaniyasi 2016-yilning 1-fevralidan O‘zbekiston provayderlari uchun tashqi kanal internet-xizmatlari tariflarini 1 Mbit/s uchun 141,94 dollargacha pasaytirganligini ma’lum qildi. Bu haqda “Infocom.uz” xabar beradi.

Joriy yilda tariflar bungacha ham arzonlashtirilgan edi. Ular 13-yanvardan 1 Mbit/s uchun 156,24 dollargacha pasaytirilgan edi.

Eslatib o‘tamiz, 2015-yilda tariflar 17 marta pasaytirilgan edi. 2015-yilning yanvarida u 1 Mbit/s uchun 259,29 dollarni tashkil etgan bo‘lsa, dekabr oyida 157,60 dollardan iborat bo‘ldi.