“Real” Adidas bilan rekord summaga teng shartnoma imzolaydi va 1,4 mlrd yevro ishlab oladi

Yaqin orada “Real” rahbariyati Adidas bilan kiyim-bosh va anjomlar yetkazib berish bo‘yicha shartnoma tuzadi, deb yozadi “Korrespondent.net”. Marca nashri xabariga ko‘ra, u futbol klublari uchun rekord summadagi shartnoma bo‘ladi.

O‘n yillik bitim “Real”ga bir yilda 140 million yevro olish imkonini beradi. Shu tariqa, qirollik klubi o‘n yilda 1,4 milliard yevrolik bo‘ladi.

Bungacha eng qimmat shartnoma “Manchester Yunayted”niki edi, u o‘tgan yili tuzilgan bo‘lib, klubga bir yilda 98 million yevro keltiradi.