Rossiyaning Mitishchi shahrida bir yoshli bola 9-qavat derazasidan tashlab yuborildi

Rossiyaning Mitishchi shahrida 29-yanvar kuni dahshatli fojia yuz berdi. U yerda o‘tkinchilar ko‘p qavatli turar-joyning derazalari ostidan bir yoshli bolaning jasadini topdi. Bu haqda “Vesti” xabar beradi.

Dastlabki ma’lumotlarga qaraganda, bolakay to‘qqizinchi qavatdagi kvartirada onasi, u bilan birga yashovchi erkak hamda uning opasi va onasi bilan birga yashagan. Spirtli ichimlikni birgalikda ichish chog‘ida ulardan biri bolani derazadan tashlab yuborgan.

Hozirgi paytda surishtiruv harakatlari o‘tkazilmoqda. Yuz bergan hodisa vaziyatlari, shuningdek, jinoyatni sodir etgan shaxs aniqlanmoqda.

LifeNews’ning ma’lum qilishicha, jinoyatda bolaning onasi bilan birga yashovchi erkak gumon qilinmoqda. Tergovning aniqlashicha, ichkilikbozlik davomida mojaro yuzaga kelgan va gumonlanuvchi bolani derazadan pastga uloqtirgan.