Ekvadordagi serqatnov shosseni kesib o‘tishga uringan yalqov murakkab ahvolga tushib qoldi — avtomobillar harakati va shovqinidan qo‘rqib ketgan jonivor yo‘l o‘rtasidagi ustunchani quchoqlaganicha qotdi, deb yozadi Mashable.
Vahimadagi yalqovni qutqargan Ekvador transport politsiyasi o‘zining Facebook’dagi sahifasida jonivorning suratlarini e’lon qilarkan, uni “sohibjamol” deb atadi.
“Serqatnov yo‘llardan uzoqroq yurish lozimligini o‘z tanida his qilib ko‘rgan bu yalqov endi istiqbolli model biznesida o‘z omadini sinab ko‘radi, deb umid qilsa bo‘ladi”, — deb hazilomuz fikr bildirgan Mashable muallifi.
Izoh (0)