Turkiyada ijtimoiy tarmoq orqali Erdo‘g‘onni haqorat qilgan o‘smir hibsga olindi

Turkiya hukumati mamlakat shimoli-g‘arbidagi Tekirdog‘ viloyatida yashovchi 17 yoshli o‘smirni davlat rahbari Rajab Toyyib Erdo‘g‘onni Facebook orqali haqorat qilgani uchun hibsga oldi, deb xabar qiladi “Gazeta.ru”.

Politsiya xodimlari o‘smirni o‘z uyida qo‘lga oldi. Sud tomonidan uning hibsga olinishi to‘g‘risida qaror chiqarilganidan keyin yigitcha mahalliy qamoqxonaga olib ketildi.

Ayni vaqtda hodisa tafsilotlari o‘rganilmoqda.

Eslatib o‘tamiz, bir necha kun oldin Erdo‘g‘on o‘zini Bosfor bo‘g‘oziga tashlamoqchi bo‘lgan erkakni to‘xtatib qolgandi.