Tyanszindagi portlash qurbonlari soni 150 nafarga yetdi

Xitoyning Tyanszin shahridagi omborxonalarda 12-avgust kuni yuz bergan portlash qurbonlari soni 150 kishiga yetdi, 23 kishi bedarak yo‘qolgan, deb gumon qilinmoqda. Bu haqda “Gazeta.kz” xabar bermoqda.

Halok bo‘lgan barcha kishilarning shaxsi aniqlangan. Mahalliy ma’muriyat axborotiga ko‘ra, qurbonlar orasida 92 nafar o‘t o‘chiruvchi va 10 nafar politsiya xodimi bor. 12 nafar o‘t o‘chiruvchi, bir nafar politsiyachi va 10 nafar fuqaro bedarak yo‘qolgan, deb gumon qilinmoqda.

Fojia natijasida umumiy hisobda 800 ga yaqin odam tan jarohati oldi, 367 nafar jabrlanuvchi hali ham kasalxonada qolmoqda. Ulardan 20 nafarining ahvoli juda og‘ir ekanligini aytilmoqda.