O‘zbekiston Respublikasi Prezidenti Islom Karimov 2015-yil 25-avgust kuni “O‘zbekiston Qahramoni” unvonini berish to‘g‘risidagi farmonni imzoladi, deb xabar bermoqda O‘zA.
Farmonda aytilishicha, Vatanimiz mustaqilligini mustahkamlash, uning jahon miqyosidagi shon-shuhratini yuksaltirish, islohotlarni muvaffaqiyatli amalga oshirish borasida davlat va xalq oldidagi ulkan xizmatlari, ishlab chiqarish va ijtimoiy sohalardagi ko‘p yillik fidokorona mehnati hamda yosh avlodni vatanparvarlik va istiqlol g‘oyalariga sadoqat ruhida tarbiyalashga qo‘shgan katta hissasi uchun quyidagilarga “O‘zbekiston Qahramoni” unvoni berilib, oliy nishon – “Oltin yulduz” medali topshiriladi:
- Ganiyeva Suyima Ganiyevna – Toshkent davlat sharqshunoslik institutining “Mumtoz filologiya” kafedrasi professori, Toshkent shahri
- Sanakulov Kuvondik – “Navoiy kon-metallurgiya kombinati” davlat korxonasi bosh direktori, Navoiy viloyati
- Topvoldiyev Tavakkal Temirovich – “Nuroniy” jamg‘armasining Andijon viloyati bo‘limi raisi
- Hosilov Avaz – Kattaqo‘rg‘on tumanidagi “Hosil” fermer xo‘jaligi boshlig‘i, Samarqand viloyati
Izoh (0)