Bugun,

  • USD 11095.31
  • RUB 173.84
  • EUR 10772.44

2015-yil yoz faslining chillasiga kelib, O‘zbekistonda havo harorati ancha ko‘tarilib ketdi. Favqulodda vaziyatlar vazirligi jaziramadan xavotirlanishga o‘rin yo‘qligi haqida ogohlantirdi.

Foto: soglom.uz

Foto: soglom.uz

“Joriy yilning 12-iyul kunidan respublikamiz hududida Turkmaniston orqali Eron davlati hududlaridan issiq havo oqimi kirib kelmoqda. Issiq havo oqimining kirib kelishi shu hafta davomida kuzatiladi.

Kunduzi havo harorati ko‘p yillik ko‘rsatkichlardan 5—6 daraja yuqori bo‘lishi, ya’ni 42—44 daraja issiq bo‘lishi kuzatiladi.

Bunday issiq havoning kuzatilishi yurtimiz iqlimi uchun istisno emas, balki qisqa muddatli bu kabi isish holatlari har yili kuzatiladi.

Nisbatan uzoq muddatda havoning isishi kamroq kuzatiladi. Misol uchun, oxirgi 10 yilni oladigan bo‘lsak, iyul oyining oxiri avgust oyining boshlarida, ya’ni 2013, 2011, 2008-yillarda havoning nisbatan isishi kuzatilgan. Bu holat 5—7 kungacha davom etganligi, havo harorati esa 40—45 darajagacha ko‘tarilganligi qayd etilgan.

Bunday davrlarda oftob urushi, ovqatdan zaharlanish, yong‘in sodir bo‘lishi ehtimoli ko‘payadi.

Favqulodda vaziyatlar vazirligi tomonidan havo harorati ko‘tarilishi bilan bog‘liq favqulodda vaziyatlarning oldini olish maqsadida aloqa kompaniyalari orqali barcha abonentlarga SMS xabarlar jo‘natildi. Bu jarayon, avvalo, profilaktik xarakterga ega bo‘lib, birinchi navbatda aholi tomonidan zaruriy ehtiyot choralarini ko‘rishlari va ogoh bo‘lishlari maqsadida amalga oshiriladi.

Bundan tashqari, FVV mutaxassislari tomonidan tegishli vazirlik va idoralar bilan hamkorlikda mahallalarda, bolalarni sog‘lomlashtirish oromgohlarida, fuqarolarning ommaviy dam olishlari uchun mo‘ljallangan suv havzalarida, ommaviy ovqatlanish va savdo joylarida, kunning issiq vaqtlarida to‘g‘ri harakat qilish bo‘yicha tushuntirish ishlari olib borilmoqda.

Mutaxassislarining fikricha, bunday issiq havo O‘zbekiston iqilimi uchun xos bo‘lib, oddiy ehtiyotkorlik choralari ko‘rilganda sog‘liqqa zarar yetkazish borasida xavotirga o‘rin bo‘lmaydi”, — deyiladi FVV matbuot xizmati xabarida.

Issiq vaqtlarda qanday harakat qilish yo‘llarini bilishni istasangiz, FVV saytidagi “Favqulodda vaziyat: unda qanday harakat qilish kerak” ruknidagi “Jazirama issiqda qanday harakat qilish kerak” mavzusida tegishli ma’lumotlar bilan tanishishingiz mumkin.

Izoh
Asosiy yangiliklar
Mahalliy
“O‘zgidromet” tog‘li hududlarda qor ko‘chish xavfini e’lon qildi
Mahalliy
“Vazirlikdagilarning 30 mln so‘m oyligi bir kun ham kechikmaydi, biz esa 3 millionga yetmagan pulimizni oylab kutamiz”. Energetikaning ayrim xodimlari “o‘gay”mi?
Dunyo
Global inflyatsiya o‘zining eng yuqori darajasiga yetgan — Financial Times