O‘zbekiston 7 ta neft-gaz korxonalarining 51% aksiyalarini xorijiy investorlarga sotadi

O‘zbekiston yaqin ikki yil ichida yettita neft-gaz korxonalaridagi aksiyalarning 51 foizini chet el investorlariga sotadi. Bu O‘zbekiston prezidentining 2015-yil 28-apreldagi “Iqtisodiyotda xususiy mulk hissasi va ahamiyatini oshirish chora-tadbirlari to‘g‘risida”gi qaroriga muvofiq amalga oshiriladi, deya xabar bermoqda “Review.uz”.

Xorijiy investorlarga sotiladigan korxonalar ro‘yxatiga “Andijon tajriba-sinov zavodi”, “Buxoro ta’mirlash mexanika zavodi”, “Buxoro neftgazavtonakl”, “O‘zparqurilish”, “Qashqadaryo neftgazsanoatqurilish”, “Qashqadaryo neftgazqurilish va ta’mirlash”, “Sarbonneftgaz” aksiyadorlik jamiyatlari kiritilgan.

Bunday chora-tadbirlar ishlab chiqarishning modernizatsiyasi va texnologik yangilanishini, ichki va tashqi bozorda raqobatbardosh bo‘lgan mahsulotlarni ishlab chiqarishni ta’minlashi ko‘zda tutilgan.